धनुषा जिल्लाको मिथिला न.पा-२ बेलाचापी स्थित सतलोक आश्रम धनुषामा सन्त रामपालजी महाराजको ७४ औँ अवतरण दिवसको उपलक्ष्यमा मनाइने अवतरण दिवस यस वर्ष पनि भव्यताका साथ मनाईंदै छ ।
सन्त रामपालजी महाराजको ७४ औं अवतरण दिवसको उपलक्ष्यमा सन्त रामपालजी महाराजका अनुयायीहरु द्वारा भाद्र २१ देखी २३ गते सम्मका लागि आयोजित तीन दिवसीय अखण्ड पाठ तथा विशाल भन्डारा कार्यक्रमको आज दोस्रो दिन भाद्र २२ गते शनिबार विभिन्न किसिमका समाज सुधारका कार्यक्रमहरु गरियो । ८ सेप्टेम्बर १९५१ मा समाज सुधारक परम सन्त रामपालजी महाराजको जन्म भएको शुभ दिनको सम्झनामा यो दिवस हरेक वर्ष ८ सेप्टेम्बरमा मनाइन्छ । कबीर साहेबको वर्तमान अवतारको रुपमा अवतरित हुनुभएकाले उहाँको अवतरण दिवस मनाउने गरिएको आयोजकले जनाएका छन् ।
सन्त रामपालजी महाराजको पावन सान्निध्यमा आदरणीय सन्त गरिबदासजी महाराजद्वारा रचित अमरग्रन्थ साहेबको पाठ जारी राख्दै १० नव जोडिहरुको दाइजो तथा आडम्बरमुक्त विवाह (रमैणी) गराइएको छ। यस विवाहमा कुनै प्रकारको सरसामान नगद लेनदेन भएको छैन भने कुनै पक्षको एक रुपैयाँ पनि खर्च भएन। सर्व आगन्तुकहरुलाई खाने बस्ने व्यवस्था आश्रम कै तर्फबाट विशाल भन्डारामा गरिएको थियो ।
मात्र १७ मिनेटको गुरुवाणी द्वारा तेत्तीस करोड देवीदेवताहरुको स्तुति गरी तीनै देवीदेवताहरुको साक्षीमा लाखौं व्यक्तिहरुसामु उक्त विवाह सम्पन्न भएको थियो। यस्ता विवाहमा कुनै किसिमको मांसाहार तथा नशालु पदार्थ आदी सेवन गर्न पूर्ण रुपमा निषेधित हुन्छ। समाजबाट दाइजोरुपी राक्षसलाई समाप्त पार्न सन्त रामपालजी महाराजको दाइजोमुक्त समाज अभियान अन्तर्गत यो विवाह गराइएको जानकारी आयोजकले जनाएका छन् । यस्ता विवाहले समाजमा प्रत्यक्ष प्रभाव पारेको र समाज परिवर्तित भैरहेको जानकारी पनि आयोजकले गराएका छन् । यस कार्यक्रममा अनुयायीहरुले नेपाल रेडक्रस सोसाइटीलाई १७० युनिट रक्तदान पनि गरेका छन् ।