मेडिकल व्यवसायी दुर्गा प्रसाईको बन्दीप्रत्यक्षीकरण मुद्दा सोमबार न्यायाधीशद्वय हरिप्रसाद फुयाल र बालकृष्ण ढकालको इजलासमा 'हेर्न नमिल्ने' भएको छ। यससँगै उक्त मुद्दाको अर्को सुनुवाइ मंगलबारका लागि तोकिएको छ।
प्रसाईलाई गैरकानुनी रूपमा थुनामा राखिएको भन्दै उनका छोरा निराजन प्रसाईंले बन्दी प्रत्यक्षीकरणको रिट निवेदन दायर गरेका थिए। यस रिटमा असोज ८ गते न्यायाधीश प्रकाशमान सिंह राउतको एकल इजलासले प्रारम्भिक सुनुवाइ गर्दै विपक्षीलाई कारण देखाउ आदेश जारी गरेको थियो।
प्रसाईलाई एक साताअघि प्रहरीले पक्राउ गरेको थियो र उनलाई साइबर अपराधको मामलामा अनुसन्धान भइरहेको बताइएको छ।
