कञ्चनपुरमा बन्चरो हानेर एक जना फरार भएका छन् । जिल्लाको कृष्णपुर नगरपालिका–९ मा आफ्नै मामाको छोरालाई बन्चरो हानेर ४० वर्षीय रुद्रे भुल फरार भएको इलाका प्रहरी कार्यालय झलारीले जानकारी दिएको छ ।
शनिवार राति जोरायल टोलमा आफ्नै मामाको छोरा डम्मरे भुललाई बन्चरो प्रहार गरेर रुद्रे भुल फरार भएको इलाका प्रहरी कार्यालयले जनाएको छ । उनकाअनुसार घाइते डम्मरको धनगढीस्थित माया मेट्रो अस्पतालमा उपचार भइरहेको छ। बन्चरो प्रहार गर्नेको खोजी भइरहेको प्रहरीले जनाएको छ।
दुवै जना सँगै सुतेको अवस्थामा बन्चरो प्रहार गरेको र घटनाबारे थप अनुसन्धान भइरहेको प्रहरीले जानकारी दिए ।
