राजश्व चुहावटको घेरामा कटहरी गाउँपालिका ः इट्टा उद्योगमा ७५ प्रतिशत सम्म कर गायब , सिमेन्ट उद्योगमा ३३ प्रतिशत छुट !!

कटहरी गाँउपालिकामा रहेको एक मात्र सिमेन्ट उद्योग सप्तकोशी सिमेन्ट उद्योगको लागी कटहरीले राजश्व नै छुट गरेको पाइएको छ । गाउँपालिकाले साना तरकारी र किराना पसलको कर गत आर्थिक बर्षकै यथावत राखेपनि सप्तकोशी सिमेन्ट उद्योगको लागी भने कुल करको ३३ प्रतिशत कर कम गरेको पाइएको छ । सप्तकोशीले हरेक बर्ष ४ लाख ५० हजार कर तिर्दै आएकोमा यस बर्ष देखि गाँउपालिकामा संसोधन नै गरेर ३ लाख मात्र राखेको पाइएको छ । 
यति मात्र नभई , गाउँपालिकाले कर फेरबदलमा ठूलो चलखेल भएको स्थानीयको आरोप छ । कटहरीमै इटा भट्टा उद्योगको करमा समेत ठूलो चलखेल भएको पाइएको छ । गत आ.व.मा कटहरीले हरेक बर्ष इटा उद्योग संग ३ लाख रुपैँया बार्षिक कर लिदै आएको थियो । तर यस बर्ष भने , गाउँपालिकाले ५० प्रतिशत नै घटाएर १ लाख ५० हजार मात्र कायम गरेको प्रमाण लाइभ न्यूजलाई प्राप्त भएको छ । प्रति चिम्नी १ लाख रुपैँया कर लिदै आएकोमा ७५ प्रतिशत कर घटाएर २५ हजार मात्र कायम गरेको प्रमाण सहित सार्वजनिक भएको छ । 
स्थानीय सरकारलाई कर घटाउने , बढाउने प्रावधान रहे पनि छिमेकी पालिकाहरुको अनुपातमा कर निर्धारणलाई समेत आधार मानिन्छ । तर कटहरीले भने , विवादस्पाद निर्णय गरेको पाईएको छ । छिमेकी स्थानीय तह धनपालथान गाउँपालिकाले प्रति इट्टा उद्योग ३ लाख रुपैयाँ कर लिदै आएको छ भने रंगेली नगरपालिकाले २ लाख रुपँया कर लिदै आएको छ । तर कटहरीले भने विवादस्पाद निर्णय गरेको स्थानीयहरुले आरोप लगाएका छन् । 
यसरी लाखौं लाख रुपैँया निहित दुइ किसिमको उद्योगलाई मात्र कर छुट दिनुमा शंकासपद देखिएको छ । 
करको बिषयमा आफु नबोल्ने र अध्यक्ष संग कुरा गर्नुस ः राजशव परामर्श समितिका संयोजक समेत रहेकी उपाध्यक्ष सीता देबी राजवंशी
कटहरी गाँउपालिकाका राजशव परामर्श समितिका संयोजक समेत रहेकी उपाध्यक्ष सीता देबी राजवंशीले भने , यस बिषयमा आफु केहि नबोल्ने , र अध्यक्ष संग यस बिषयमा बुझ्न प्रतिक्रिया दिइन् । उनले आफु पन्छिएर अध्यक्ष संगै बुझन र राजश्व शाखासंग बुझन आग्रह गरिन् । 
गाउपालिका अध्यक्षले भने ः ८१ लाख कर उठन बाँकी थियो ः अब कर कम गरेपिछ तिर्न आँउछन् होला ... 
यता कटहरी गाँउपालिकाका अध्यक्ष देवराज चोधरीले यस बिषयमा आफु नबोल्ने उपाध्यक्ष संग कुरा गर्नुहोस भनेर प्रतिक्रिया दिएका छन् । लाइभ न्यूजले उपाध्यक्ष पनि पन्छिएकाले तपाई जवाफदेहि हुनुपर्छ भने पछि उनले भने , छलफल गरेर कर घटाइएको प्रतिक्रिया दिएका छन् । उनले भने , स्थानीय व्यापारी उद्योगीहरुले कर धेरै भएको भनेर छलफल पछि कर घटाइएको उनको प्रतिक्रिया छ । उनले भने , यो कर घट्नु स्वभाविक हो । हाल इट्टा उद्योग संग ८१ लाख रुपैँया कर उठन बाँकी छ , यति घटाएपछि अब तिर्न आउने उनले प्रतिक्रिया दिएका छन् ।